Ek is baie soos jy Grootboek

'Ek is baie soos jy' handel hoofsaaklik oor die kwessies rondom MIV en VIGS. Die fokus is op 'n jong kind wat met MIV leef. Ons sien hoe soortgelyk haar lewe is aan dié van haar vriende. Die storie toon dat die jong meisie daarvan hou om al die normale dinge te doen wat kinders graag doen, maar dat sy in sommige gevalle versigtig moet wees omdat sy 'n virus in haar bloed het. Die realiteite van VIGS en die seksuele oordrag van MIV / VIGS word nie hier behandel nie. Dit sal onvanpas wees om dit met jong leerders te bespreek (maar jy moet ook jou oordeel in hierdie verband gebruik). Die meeste leerders sal van MIV / vigs gehoor het en moet weet hoe dit nie oorgedra word nie, saam met die feit dat dit 'n noodlottige siekte is. Die storie bied dit aan leerders op 'n hanteerbare manier. Daar is ook plek vir bespreking oor kwessies soos aansteeklike siektes, verspreiding van siektes, die belangrikheid van goeie voeding en higiëne, asook 'n skoon omgewing.