Op die grens

Bedrewe joernalis David Williams vang 'n era vas en beskryf die grenservarings wat wit mans van tussen 35 en 60 ten diepste beïnvloed het. Troepies en hul gesinne sal hulself in dié boek herken. Onderhoude met voetsoldate en weermagleiers soos Jannie Geldenhuys, Constand Viljoen en George Meiring word aangevul met 'n historiese konteks en oorsig. Die gevolg is 'n boek wat 'n vars ek-was-self-daar inslag kombineer met diepgang en analise.