Rigtingbedonnerd Op die spoor van die Afrikaner post-1994

'Wat het ná 1994 van die Afrikaner geword? Hoe lyk dié eens magtige groep vandag en het hulle nog enige rol te speel in die nuwe Suid-Afrika?
Met 'n tas vol vrae reis Fred de Vries van Orania na Pretoria om met uiteenlopende Afrikaners te praat: politici (FW de Klerk, Pieter Mulder), musieksterre (Steve Hofmeyr, Bok van Blerk, Fokofpolisiekar), sakemanne (Jannie Mouton), skrywers (Koos Kombuis, Antjie Krog) en selfs 'n vakbondleier ( Flip Buys).
Hy ontmoet ook talle gewone Afrikaners - boere, polisielede en onderwysers - wat iets oor die siel van die Afrikaner aan hom verklap. Vir almal vra hy dieselfde vraag: is daar nog plek vir dié wit volk aan die suidpunt van Afrika en indien wel, waar is hul emosionele tuiste - hul Nkandla - in pres. Jacob Zuma se woorde?