Sophia se beskermengel

Sophia Joubert en haar skoonfamilie keer terug na die verwoeste familieplaas na afloop van die Anglo - Boere oorlog. Geoffrey Doubell help die Jouberts om weer op hul voete te kom. Die samaritaan is wel 'n halwe Engelsman, maar elke keer as Geoffrey na haar kyk, bruis Sophia se bloed.
Haar eerste liefde lê egter begrawe in die grond van Natal en Sophia is diep gekwes. Sy sien ook in Geoffrey se oë 'n treurigheid wat nie wyk nie. Die man ken ook verlies. Durf sy nou hoop op tweede liefde?