Modder, klei en water

Hy was sestig toe hy die eerste keer op ’n motorfiets geklim het. En so begin daar ’n splinternuwe fase in Leon Coetzee se lewe. Ná ’n lang loopbaan as prokureur waarin hy sy dae met regsdokumente en in howe deurgebring het, ontdek hy die vryheid wat die langpad hom bied. Sy BMW-avontuurmotorfietse het hom help wegbreek uit ou, geykte denkpatrone. Modder, klei en water vertel van die bondgenootskap tussen ’n man en sy motorfiets.