Hierdie mens

Die digter Wilma Stockenström het op 7 Augustus 80 jaar oud geword. Ná 'n leeftyd waarin sy 'n merkwaardige oeuvre opgebou het, vier sy hierdie mylpaal met die publikasie van Hierdie mens, haar agtste bundel en eerste in 14 jaar.
Die bundeltitel rig die leser se blik onmiddellik op die mens wat in hierdie bundel aan die woord is. Soos dikwels in Stockenström se oeuvre is 'hierdie mens' ook verteenwoordiger van die spesie mens wat hom op 'n klein planeet in die groot heelal bevind.