Encore! SA-verhoogsterre se hartsresepte

'n Kookboek met 'n verskil. Suid-Afrika se bekendste en beste akteurs, dié wat die afgelope 50 jaar 'n Fleur du Cap-teatertoekenning ontvang het, deel hul gunstelingresepte.
Smul saam met onder andere:
- Pieter-Dirk Uys
- Marc Lottering
- Casper de Vries
- David Kramer
- Sandra Prinsloo
- Marius Weyers
- 'Grotman' Hannes Muller
- 'Phantom of the Opera' André Swartz
- Marthinus Basson.
Die sterre se resepte wissel van eenvoudig ('n ham-en-kaas-toebroodjie of 'n lekker macaroni-en-kaasdis) tot gevorderd (beesstert en oondgeroosterde wildsvleis). Van die resepte bevat 'n Oosterse geurtjie. Jy kan 'n hele maaltyd met dié boek beplan: Hoe klink Carel Nel se romerige mossels as voorgereg, met Wilna Snyman se waterblommetjiebredie en Penelope Youngleson se koolslaai daarna en Philip Dikotla se koekstruif as nagereg?