Hoe gril ek nou!

Van 'n teddiebeer wat lewend word, tot 'n snotmonster wat 'n koshuis terroriseer en 'n spookmeisie wat in die middel van die nag in jou oor fluister. Hierdie bundel bevat 11 naelkou-lekker kortverhale deur twee skrywers wat presiés weet hoe om al die hare op jou kop regop te laat staan. Die laaste storie is boonop ekstra spannend en onvoorspelbaar, aangesien dit as 'n aflosverhaal geskryf is - een hoofstuk elk, afwisselend deur hierdie twee grilverhaal-meesters.