Bloedbande

Na die gewoel en gejaag van die grootstad het inspekteur Adriaan Kruger begin gewoond raak aan die relatief rustige lewe op die dorpie Overberg. Hy en Karien is baie gelukkig, en nou verwag sy hulle tweeling. Hy word boonop tot kaptein bevorder.

Maar onheil slaap nooit nie, en twee misdade stuur skokgolwe deur die gemeenskap: die aanval op 'n jong meisie, en wat lyk na 'n bloedige gesinsmoord.

As hy net op die moord kon fokus, sou sy taak makliker wees. Maar die meisie wat aangeval is se pa is 'n vooraanstaande man in die gemeenskap. En soms lyk dit of daar 'n verband tussen die twee misdade is …