Skerpioen

Skerpioen van Wynand Coetzer is 'n juweel van 'n roman. Dit skitter met al die fasette wat die bitter aarde van hierdie land daaruit wring; dit is 'n weelderige teks, met vurige skakerings van sensualiteit en drif; dit is 'n oerteks wat op 'n opwindende wyse die essensie van die mens naspeur soos hulle die eerste keer in die brakland van Afrika geleef het; dit is ook die mitiese soektog van die mens na 'n lieflike, harde, en verlore paradys.