Vrouekeur sterkos

Met wie wil Dawie Roodt om 'n tafel kuier? Wat is Rocco de Villiers se trooskos? Waarmee bederf Sonja Herholdt haarself?
Vrouekeur Sterkos - kook saam met die sterre vertel meer oor gewilde Suid-Afrikaanse bekendes se kosfiemies, koslekkertes en elkeen van hulle deel hul gunstelingresep.
Die boek volg op die suksesvolle kosrubriek Sterkos in Vrouekeur en al die resepte is deur kosredakteur en -stilis, Marlo Kitshoff-Carstens, beproef.
Probeer resepte soos Pierre Greeff van Die Heuwels Fantasties se se perfekte braaibroodjie, Tobie Cronjé se glutenvrye koek en Karlien van Jaarsveld se treffertunatert. Daar's 'n mengsel van soet en sout, eenvoudig en dekadent. Met dié resepte sal jy ook 'n ster in die kombuis wees!