Ontbloot

Ontbloot is 'n memoir-digbundel. Dit handel oor Marthé McLoud se persoonlike, familie- en gesinservarings, maar is ook universeel relevant. Dit is 'n intieme verhaal wat strek van haar kinderdae en studentejare tot getroude vrou met 'n beroep. Die verhouding tussen ouer en kind speel 'n deurslaggewende rol. Die digter se helder taalgebruik, verrassende beeldspraak en vermoë om haarself objektief te beskou bewerkstellig die gedigte se besondere oortuigingskrag.