Die draakredder

As Gideon se draak hom na 'n plek toe neem waar alle stories begin met 'Lank, lank gelede ...', weet Gideon dis tyd vir 'n nuwe avontuur. Dié keer ontmoet hy 'n heks wat 'n babadrakie ontvoer het. Sal Gideon die drakie kan red?

M.P. Robertson is die skrywer en illustreerder van 'n hele paar bekroonde prenteboeke soos Hieronymus Betts and his Unusual Pets (Tobie Welgemoed en sy ongewone troetelgoed, Protea 2011), The Egg (Die eier, Protea 2011) en Food chain (Viskos, Protea 2011). Hy woon in Bradford-on-Avon, naby Bath, saam met sy lewensmaat Sophy Williams (ook 'n illustreerder) en hul twee seuns.