Kinders van die Kompanjie

In Kinders van die Kompanjie skryf Karel Schoeman in onderhoudende verteltrant oor meer as dertig individue en groepe wat gedurende die sewentiende eeu by die VOC se nedersetting aan die Kaap betrokke was. Kompanjiesdienaars, vryburgers, vryswartes, slawe, Khoikhoi, ballinge en besoekers is die onderwerpe van hierdie boek, en die agtergrond strek van Persië, Ceylon en Japan oor Madagaskar en Mauritius na Brasilië en Nieu-Nederland.