Die volledige versamelde gedigte

Reeds op 7 Desember 1936, enkele maande ná Eugène N. Marais se tragiese dood en as bekendstelling van die vierde druk van sy Versamelde gedigte, bepleit N.P. van Wyk Louw in 'n radiopraatjie ''n mooi, definitiewe uitgaaf van sy verse ... Alles wat hy geskrywe het, ook die vroeëre Engelse verse, behoort daar te wees ... Hierdie dinge is vir 'n begrip van die ontwikkeling van Marais se verskuns noodsaaklik.'