Geskrifte van 'n vermiste digter

Die titel van die bundel sinspeel op Rall se 'verdwyning' sedert die publikasie van sy vorige bundel, Proefskrif, 25 jaar gelede. Dit is 'n bundel oor terugkeer (na Suid-Afrika én na die poësie) en is in vyf afdelings verdeel. Die karige Noord-Kaapse landskap waar hy grootgeword het, is veral in die eerste afdeling prominent, maar is 'n deurlopende tema.