Op trek - Die daaglikse lewe tydens die Groot Trek

Die grootskaalse verhuising van boere aan die Kaapkolonie se oosgrens, 'n gebeurtenis wat later as die Groot Trek bekend sou word, was teen 1835 reeds in volle swang. Uiteindelik het bykans 10 000 siele huis en haard met ossewaens en veetroppe verlaat met dié ideaal: om in die ongetemde Suid-Afrikaanse binneland 'n eie staat en samelewing tot stand te bring.