Die verhaal van Elandskloof

In 1996 is die grond van die eertydse sendingstasie Elandskloof in die distrik Citrusdal teruggegee aan enkele oorlewendes en afstammelinge van destydse inwoners van die stasie. Die sendingstasie het in 1961 opgehou om te bestaan nadat die grond aan twee boere verkoop is. Die geval het heelwat aandag getrek, omdat dit een van die eerste geslaagde grondeise van die nuwe Suid-Afrika was.