Radelose Rebellie

In 1914 het 'n groep Afrikaners in verset teen die Unieregering gekom, aangevuur deur 'Siener' van Rensburg se visioene wat vertel het van die ondergang van die Britse ryk. Toe Louis Botha net ná die aanvang van die Eerste Wêreldoorlog aankondig dat die Unie Duits-Suidwes-Afrika sou inval, was die vet in die vuur en het honderde opstandige manne die wapen opgeneem. Volgens die joernalis L.E. Neame was dit 'one of the most curious and dramatic incidents in the Great War'.