Waar die wêreld wyd is

Anderkant die Gariep, in die harde, wye wêreld van die Noord-Kaap, het sedert die vroeg 1900's pioniersmense gewoon wat g'n stof of droogte, g'n lamsiekte of beespes kon onderkry nie. Dit was 'n tyd voor selfone en kitsoplossings, toe 'n man se woord nog sy woord was, en 'n afspraak 'n afspraak; 'n tyd toe jagtogte, Boeredanse en familietroues mense saamgesnoer het en swaarkry en verlies bloot 'n deel van die natuurwette was.