Die groot maroelas

Terwyl die maroelas nog swart teen die lug afsteek, skiet Hans Wagner vroeg een oggend twee leeus op sy Suidwes-plaas. Maar onverwags verskyn daar toe 'n jong leeutjie uit die bosse wat Hans se been lelik seermaak. Die skoot wat na dié welpie geskiet word, ruk net sy een oor af en daarna kom die dier weg. Petrus, Hans se tienerseun, besluit om voortaan elke skoolvakansie na die eenoor-leeu te soek.