Generaal Ben Viljoen 1868-1917

Wie was Ben Viljoen? Hy sal in die eerste plek onthou word as die Boeregeneraal, die oorwinnaar by die Slag van Vaalkrans en, volgens F.W. Reitz se bekende gedig, die veroweraar van die Lady Roberts-kanon. Om verskeie redes is Ben Viljoen se naam nooit met die hoofstroom van Afrikaner-nasionalisme geassosieer nie. Lank nadat die ander Boeregeneraals se wedervarings in boekvorm verskyn het, is dit nou Ben Viljoen se beurt.