Op St Helena

Met die uitbreek van die Anglo-Boereoorlog in Oktober 1899 was die later bekende kunstenaar Erich Mayer nouliks vir 'n jaar in Suid-Afrika. Tydens sy twee en 'n half jaar lange verblyf op St. Helena het hy talle sketse en skilderye van die lewe van die krygsgevangenes op dié eiland - eens ook die tuiste van Napoléon Bonaparte - gemaak. Erich Mayer is die enigste beeldende kunstenaar wat die lief en leed van die krygsgevangenes tydens die Anglo-Boereoorlog in soveel detail uitgebeeld het.