Generaal Christiaan De Wet as veldheer

Stil, broers daar gaan ' n man verby hy groet, en dis verlaas.

Daar's nog maar één soos hy; Bekyk hom goed.'



As u nie weet nie, hierdie strofe kom uit 'n gedig van Jan FE Celliers oor Christiaan de Wet wat hom in die volksherinnering laat voortleef het, as 'n byna mitiese held in die egte Germaanse tradisie. Want meer as enige ander Boeregeneraal was hy die verpersoonliking van die heldedom van die Afrikaner in die Tweede Vryheidsoorlog.