Bak en brou met Snowflake

Van maklike hamburgers tot stap-vir-stap bakuitdagings, soos dekoratiewe partytjiekoeke, Bak & Brou bring pret, met beproefde en getoetste resepte, gemik op kinders van vyf jaar en ouer.
Elke resep is maklik om te volg, met volblad fotos en handige stap-vir-stap fotos. Innoverende variasies en glutenvrye resepte is ook ingesluit. Moeilikheidsgraad aanduidings, simbole, wenke en voorstelle sal jou en die kinders help om van ontbyt tot middagete, happies en aandete te kook. Resepte sluit ook alledaagse bestanddele in - hoenderrepies in graanvlokkiekrummels tot ´n pizza-fees. Jy sal heelwat smaaklike, gesonde watertand-geregte kan maak. Soet voorkeure sluit besondere koekballetjies tot bevrore aarbeijoghurt met Bar-One-sous in. Die beste van als is dat jou kinders kan pret hê om te eksperimenteer op hulle eie, of baat uit bietjie volwasse-toesig.

Gebruik Bak & Brou om jou kinders ´n voorsprong in die kombuis te gee.