Verdagte 504

Midde-in die Israel-Hamas-oorlog word Ben Kirsten as spioen gejag. Mossad se oë wyk nie. Kaalvoet vlug hy deur die Negev-woestyn en beland in ’n gebroke dorp. Niemand daar is ongedeerd nie. Elf weeskinders beveg hul vrese, totdat ʼn missiel die rowe afruk. Wanneer die wêreld om jou toeklap, gaan iets dieper oop, en Ben vind liefde, waarvoor daar in oorlogstyd min plek is. Dit het egter ’n prys. Sonder dokumente vlug hy suidwaarts, Kaapstad toe. Oorlewing word ’n dobbelspel: gevaarlike grense, verraderlike waters, en in die donker greep van hoop en verlies worstel hy ook met God. Om onskuldig te wees, beteken nie jy is veilig nie.