ISBN: 9781048327847 | Published: October 1, 2026 | Hardcover , Non-Fiction
Hier staan ons steeds
Hier staan ons steeds
Estimated Shipping Widget will be displayed here!
Couldn't load pickup availability
Dit word beskryf as die mees omvattende en gesaghebbende werk tot nog toe wat die verhaal van die Gelofte van 1838 en die betekenis daarvan deur bykans twee eeue van Suid-Afrika se geskiedenis naspoor. Hier staan ons steeds is ’n baanbrekerwerk uit die pen van dr. Danie Langner, besturende direkteur van die Kultuurtuiste, en ’n toeganklike, moet-lees-reis vir enigeen wat die geskiedkundige, geloofs- en kultuurbetekenis van die Gelofte, asook die hedendaagse relevansie daarvan, beter wil verstaan.
Hier staan ons steeds, ’n luukse hardeband van 373 bladsye uitgegee deur die FAK, is moontlik gemaak deur die LW Hiemstra Trust. Dié grootse werk neem die leser op ’n toeganklike reis vanaf die aanloop tot die Groot Trek, deur die gebeurtenisse van 1838 en die Slag van Bloedrivier, tot by die ontstaan van Geloftedag en die voortgaande invloed daarvan op die Afrikaner se geskiedenis, kultuur- en geloofslewe tot in die een-en-twintigste eeu.
Volgens Langner is die boek nie bloot die geskiedenis van ’n enkele gebeurtenis of gedenkdag nie, maar die verhaal van hoe opeenvolgende geslagte die Gelofte onthou, interpreteer, vier en soms bevraagteken.
“Die Gelofte van 1838 is veel meer as ’n enkele gebeurtenis,” sê hy. “Dit is ’n goue draad wat deur bykans twee eeue van Afrikanergeskiedenis loop en telkens nuwe betekenis kry namate geslagte dit onthou, ontdek en vertolk.
“Met Hier staan ons steeds wil ek lesers help om die Gelofte binne sy volle historiese, geloofs- en kultuurkonteks te verstaan, sonder om die verlede te romantiseer of dit bloot vanuit die hede af te wys. Ons moet ons geskiedenis met eerlikheid en insig benader, want ’n verantwoordelike begrip van waar ons vandaan kom, help ons om met groter wysheid oor ons toekoms te besin.
“Die boek is ook ’n uitnodiging aan ’n nuwe geslag om self die verhaal te ontdek en te vra wat dit vandag nog beteken, veral met die oog op die 200-jarige herdenking van die Gelofte in 2038.”
Author Danie Langner
Share
